Isaiah 16

Song of Solomon  «  Isaiah 15  ‹  Isaiah 16  ›  Isaiah 17  »  Jeremiah

ՄՈՎԱԲԻ ԱՆՅՈՅՍ ՎԻՃԱԿԸ

Ղրկեցէ՛ք պարարտ գառը երկրին կառավարիչին, Վէմէն՝ անապատին ճամբայով՝ Սիոնի աղջիկին լեռը։

Մովաբի աղջիկները Առնոնի անցքերուն քով՝ Բոյնէն վռնտուած թափառական թռչունի պէս պիտի ըլլան՝ ըսելով.

«¹Խորհրդակցեցէ՛ք, ²դատաստա՛ն կիրարկեցէք՝՝. Քու հովանիդ գիշերի՛ պէս ըրէ ³կէսօրին, Աքսորականները պահէ՛, ⁴փախստականները մի՛ ⁵յանձներ։

⁶Մովաբի աքսորականները քու քովդ թող պանդխտանան՝՝. Անոնց ծածկո՛յթ եղիր կործանողին դէմ։ Արդարեւ աւերումը պիտի դադրի, կործանումը պիտի աւարտի, Ու կոխկռտողները երկրէն պիտի ⁷անհետանան։

Գահը կարեկցութեամբ պիտի հաստատուի, Եւ անոր վրայ՝ Դաւիթի վրանին մէջ՝ Դատաւոր մը պիտի բազմի ճշմարտութեամբ. Ան իրաւունքը պիտի փնտռէ Եւ արդարութիւնը շտապեցնէ»։

Մովաբի ամբարտաւանութիւնը լսեցինք. Ան շատ ամբարտաւան է։ Անոր յոխորտանքը, ամբարտաւանութիւնն ու ցասումը լսեցինք. Անոր զրաբանութիւնները ոչինչ են։

Այս պատճառով Մովաբ պիտի գոռայ Մովաբի համար, Բոլորն ալ պիտի գոռան. Կիր-Հարեսէթի հիմերուն վրայ պիտի հառաչէք, Անոնք իրապէս ⁸կործանուած են։

Արդարեւ Եսեբոնի դաշտերը թօշնեցան. ⁹Հեթանոսներուն տէրերը Սեբամայի որթատունկին պերճագոյն ճիւղերը կոտրեցին, Որոնք մինչեւ Յազեր հասած էին եւ անապատին մէջ կը դեգերէին. Անոր շառաւիղները տարածուելով՝ ծովէն անդին անցած էին։

Հետեւաբար Սեբամայի որթատունկին վրայ Յազերի լացով պիտի լամ. Ձեզ արցունքներովս պիտի ոռոգեմ, ո՛վ Եսեբոն ու Եղէաղէ, Որովհետեւ ձեր ամառնային պտուղին եւ հունձքին համար եղած ցնծութեան ճիչը ¹⁰դադրեցաւ։

Բարեբեր արտերէն ուրախութիւնն ու խայտանքը պիտի ¹¹անհետանան, Այգիներուն մէջ ցնծերգ եւ գոչիւն պիտի չըլլան։ Հնձանի մէջ ա՛լ ¹²խաղող պիտի չկոխեն՝՝. Անոնց ցնծութեան ճիչը դադրեցուցի։

Այս պատճառով իմ ընդերքս քնարի պէս պիտի հնչէ Մովաբի համար, Եւ ¹³սիրտս՝ Կիր-Հարեսէթի համար։

Այն ատեն պիտի տեսնուի Թէ ինչպէս Մովաբ պիտի հիւծի իր բարձր տեղին վրայ. Իր սրբարանը պիտի մտնէ աղօթելու համար, Բայց ¹⁴օգուտ մը պիտի չունենայ՝՝։

Ա՛յս է այն խօսքը՝ որ Տէրը ¹⁵շատոնց Մովաբի մասին ըսեր էր։

Բայց հիմա Տէրը խօսեցաւ՝ ըսելով. «Երեք տարուան մէջ — վարձկանի մը տարիներուն պէս — Մովաբի փառքը պիտի անարգուի՝ Այդ ամբողջ մեծ բազմութեամբ. Իսկ մնացորդը փոքրաթիւ եւ անզօր պիտի ըլլայ»։