Isaiah 18
Song of Solomon « Isaiah 17 ‹ Isaiah 18 › Isaiah 19 » Jeremiah
ԱՍՏՈՒԱԾ ՊԻՏԻ ՊԱՏԺԷ ԵԹՈՎՊԻԱՆ
1Վա՜յ Եթովպիայի գետերուն միւս կողմը եղող՝ Թեւերով 1ստուերող երկրին,
2Որ ծովէն՝ ջուրի մակերեսին վրայէն՝ Դեսպաններ կը ղրկէ պրտուէ նաւակներով, ըսելով. «Գացէ՛ք, ո՛վ արագընթաց պատգամաւորներ, 2Երկայնահասակ ու լերկ՝՝ ազգին, Սկիզբէն մինչեւ հիմա ահարկու ժողովուրդին, Յոյժ զօրաւոր ու բոլորը կոխկռտող ազգին, Որուն երկիրը գետերը կը 3կտրեն»։
3Ո՛վ երկրագունդի բոլոր բնակիչներ՝ Որ երկրի վրայ 4կ’ապրիք, Երբ լեռներուն վրայ դրօշակ բարձրացուի՝ նայեցէ՛ք, Ու երբ շեփոր հնչուի՝ լսեցէ՛ք։
4Արդարեւ Տէրը ինծի սա՛ ըսաւ. «Ես հանդարտ պիտի ըլլամ, եւ իմ բնակարանէս պիտի նայիմ՝ 5Խոտի վրայի՝՝ պայծառ տաքութեան պէս, Ու հունձքերու տաքութեան մէջ ցօղաբեր թանձր ամպի պէս»։
5Արդարեւ հունձքի ժամանակէն առաջ, Երբ բողբոջումը վերջանայ Ու ծաղիկը հասունցող ազոխ ըլլայ, Ան բարունակները յօտոցով պիտի կտրէ, Եւ ուռերը փրցնելով պիտի նետէ։
6Անոնք միասին լեռներու գիշատիչ թռչուններուն Ու երկրի գազաններուն պիտի լքուին։ Գիշատիչ թռչունները ամառը անոնց վրայ պիտի անցընեն, Ու երկրի բոլոր գազանները ձմեռը անոնց վրայ պիտի անցընեն։
7Այդ ատեն զօրքերու Տէրոջ ընծայ պիտի բերուի՝ Երկայնահասակ ու լերկ ժողովուրդէն, Սկիզբէն մինչեւ հիմա ահարկու ժողովուրդէն, Յոյժ զօրաւոր ու բոլորը կոխկռտող ազգէն, Որուն երկիրը գետերը կը կտրեն, Զօրքերու Տէրոջ անունին տեղը՝ Սիոն լեռը։