Jeremiah 15

Isaiah  «  Jeremiah 14  ‹  Jeremiah 15  ›  Jeremiah 16  »  Lamentations

ԴԱՏԱՎՃԻՌ ՅՈՒԴԱՅԻ ԺՈՂՈՎՈՒՐԴԻՆ ԴԷՄ

¹Տէրը ինծի ըսաւ. «Թէեւ Մովսէս ու Սամուէլ ինծի ներկայանան, Իմ անձս ²այս ժողովուրդին պիտի չհաճի՝՝. Զանոնք առջեւէս վտարէ՛, ու թող դուրս ելլեն։

Եթէ քեզի ըսեն. “Ո՞ւր ³երթանք”, Անոնց պատասխանէ՛. “Տէրը սա՛ կը յայտարարէ. "Մահուան համար որոշուածները մահուան թող երթան, Սուրի համար որոշուածները՝ սուրի, Սովի համար որոշուածները՝ սովի, Ու գերութեան համար որոշուածները՝ գերութեան"”։

Անոնց վրայ չորս ⁴տեսակ պատիժ պիտի ղրկեմ՝՝,— կը պատգամէ Տէրը.— Մեռցնելու համար՝ սուրը, ⁵Պատառելու համար՝ շուները, Լափելու եւ փճացնելու համար՝ Երկինքի թռչուններն ու երկրի գազանները։

Զանոնք սոսկումի պիտի մատնեմ Երկրի բոլոր թագաւորութիւններուն մէջ, Յուդայի թագաւորին՝ Եզեկիայի որդիին Մանասէի պատճառով, Երուսաղէմի մէջ անոր ըրածներուն համար»։

Ո՞վ պիտի արգահատի քու վրադ, ո՛վ Երուսաղէմ. Ո՞վ պիտի ցաւակցի քեզի. Ո՞վ ճամբայէն պիտի շեղի՝ քու ⁶որպիսութիւնդ հարցնելու համար։

«Դուն զիս երեսէ ձգեցիր,— կը պատգամէ Տէրը,— ու ⁷կռնակ դարձուցիր՝՝. Ես ալ իմ ձեռքս քու վրադ պիտի երկարեմ եւ քեզ բնաջնջեմ. Արգահատելէն ձանձրացայ։

Զանոնք երկրին դռներուն մէջ պիտի հոսեմ՝ իբր թէ հեծանոցով. Իմ ժողովուրդս զաւակներէ պիտի զրկեմ ու բնաջնջեմ, Որովհետեւ անոնք իրենց ⁸ընթացքէն դարձի չեկան։

Անոնց այրիները ծովուն աւազէն աւելի շատցուցի իմ առջեւս. ⁹Անոնց դէմ ու երիտասարդին՝՝ մօր դէմ Կէսօրին կործանող մը բերի. Անոր վրայ յանկարծ արհաւիրք եւ սոսկում ձգեցի։

Եօթը զաւակ ծնանողը ուժաթափեցաւ, Իր ¹⁰հոգին աւանդեց՝՝. Ցերեկը անոր արեւը մայր մտաւ, Անիկա ամչցաւ ու շիկնեցաւ։ Անոնց մնացորդն ալ իրենց թշնամիներուն առջեւ Սուրի պիտի մատնեմ», կը պատգամէ Տէրը։

ԵՐԵՄԻԱ ԿԸ ԳԱՆԳԱՏԻ ԱՍՏՈՒԾՈՅ

Վա՜յ ինծի, իմ մա՛յրս, Որ զիս ծնար՝ ամբողջ երկրին համար Կռիւի մարդ եւ բանավէճի մարդ ըլլալու։ Ես ո՛չ վաշխով փոխ տուի, Ո՛չ ալ ինծի վաշխով փոխ տուին. Սակայն բոլորը զիս կ’անիծեն։

Տէրը կը յայտարարէ. «Անշո՛ւշտ ¹¹քեզ պիտի ազատեմ՝ Քու բարօրութեանդ համար՝՝. Անշո՛ւշտ ձախորդութեան ու տագնապի ժամանակ Թշնամիիդ դիմել պիտի տամ քեզի։

Միթէ երկաթը կրնա՞յ ¹²կոտրուիլ, այսինքն՝ հիւսիսի երկաթը եւ պղինձը։

Քու բոլոր մեղքերուդ համար՝ ամբողջ հողամասիդ մէջ Քու գոյքերդ ու գանձերդ առանց ¹³վճարումի կողոպուտի պիտի մատնեմ,

Եւ քեզ թշնամիներուդ հետ պիտի ¹⁴փոխադրեմ երկիր մը՝ որ չես ճանչնար. Արդարեւ իմ բարկութենէս կրակ մը վառուեցաւ, Որ ձեր վրայ պիտի բորբոքի»։

Ո՛վ Տէր, դուն իմ վիճակս գիտես. Յիշէ՛ զիս, այցելէ՛ ինծի՛, Ու վրէ՛ժս առ իմ հալածիչներէս. Քու համբերատարութեանդ համար զիս մի՛ ¹⁵յափշտակեր. Գիտցի՛ր թէ քեզի համար նախատինք կրեցի։

Երբ քու խօսքերդ գտայ՝ զանոնք կերայ. Քու խօսքդ սիրտիս բերկրանք եւ ուրախութիւն եղաւ՝ Որովհետեւ քու անունովդ կոչուեցայ, Ո՛վ Տէր, զօրքերո՛ւ Աստուած։

Ծիծաղողներուն խորհրդաժողովին մէջ չնստայ ու չհրճուեցայ. Քու ձեռքիդ վրաս ծանրանալուն պատճառով առանձին նստայ, Քանի որ քու սրտմտութեամբդ զիս լեցուցիր։

Ինչո՞ւ իմ կոտտանքս մշտատեւ է, Ու վէրքս՝ մահաբեր. Ան կը մերժէ բուժուիլ։ Միթէ դուն ¹⁶խաբեբայ աղբիւրի Եւ անվստահելի ջուրերու պէ՞ս պիտի ըլլաս ինծի։

Հետեւաբար Տէրը սա՛ կը յայտարարէ. «Եթէ վերադառնաս՝ ե՛ս քեզ պիտի վերադարձնեմ, Ու իմ առջեւս պիտի կայնիս։ Եթէ պատուականը անարգէն ¹⁷զատես, Իմ բերանիս պէս պիտի ըլլաս։ Անո՛նք քեզի թող վերադառնան, Բայց դուն անոնց մի՛ վերադառնար։

Այս ժողովուրդին հանդէպ՝ քեզ պղինձէ ամուր պարիսպ մը պիտի կարգեմ. Անոնք պիտի պայքարին քեզի դէմ, Բայց պիտի չյաղթեն քեզի. Արդարեւ ես քեզի հետ եմ՝ Քեզ փրկելու եւ ազատելու համար,— կը պատգամէ Տէրը։—

Քեզ չարերուն ձեռքէն պիտի ազատեմ, Ու բռնաւորներուն ձեռքէն պիտի փրկեմ»։