Jeremiah 39

Isaiah  «  Jeremiah 38  ‹  Jeremiah 39  ›  Jeremiah 40  »  Lamentations

ԵՐՈՒՍԱՂԷՄԻ ԱՆԿՈՒՄԸ

¹Յուդայի Սեդեկիա թագաւորին իններորդ տարին, տասներորդ ամիսը, Բաբելոնի Նաբուգոդոնոսոր թագաւորը իր բոլոր զօրագունդերով Երուսաղէմ եկաւ, ու զայն պաշարեցին։

Սեդեկիայի տասնմէկերորդ տարին, չորրորդ ամիսը, ամսուան իննին քաղաքին պարիսպը ճեղքուեցաւ,

եւ Բաբելոնի թագաւորին բոլոր իշխանաւորները, այսինքն՝ Ներգեղսարասար, Սամեգարնաբաւ, ²Սարսեքիմ՝ պալատականներու պետը, Ներգեղսարասար մոգպետն՝՝ ու Բաբելոնի թագաւորին բոլոր մնացած իշխանաւորները մտան եւ միջին դուռը ³գրաւեցին։

Երբ Յուդայի Սեդեկիա թագաւորն ու բոլոր պատերազմիկները զանոնք տեսան, փախան եւ գիշերուան մէջ քաղաքէն դուրս ելան՝ թագաւորին պարտէզին ճամբայէն, երկու պարիսպներուն մէջտեղի դռնէն։

Քաղդէացիներուն զօրագունդերը զանոնք հետապնդեցին, ու Երիքովի դաշտերուն մէջ Սեդեկիայի հասան։ Զայն բռնեցին եւ Եմաթի երկիրը՝ Ռեբղա բարձրացուցին, Բաբելոնի Նաբուգոդոնոսոր թագաւորին առջեւ, որ անոր դատավճիռը արձակեց։

Բաբելոնի թագաւորը Ռեբղայի մէջ Սեդեկիայի որդիները անոր աչքերուն առջեւ մորթեց. Բաբելոնի թագաւորը Յուդայի բոլոր ազնուականներն ալ մորթեց։

Յետոյ Սեդեկիայի աչքերը կուրցուց, ու զայն պղինձէ շղթաներով կապեց՝ որպէսզի Բաբելոն տանի։

Քաղդէացիները կրակով այրեցին թագաւորին տունը եւ ժողովուրդին տուները, ու Երուսաղէմի պարիսպները փլցուցին։

Նաբուզարդան թիկնապահապետը Բաբելոն փոխադրեց քաղաքին մէջ մնացած ժողովուրդին մնացորդը, իր ⁴կողմը անցած՝՝ ⁵դասալիքները եւ ժողովուրդին ուրիշ մնացորդները։

Սակայն Նաբուզարդան թիկնապահապետը Յուդայի երկրին մէջ թողուց ժողովուրդին չքաւորները՝ որ ոչինչ ունէին, ու նոյն օրը անոնց այգիներ եւ արտեր տուաւ։

ԵՐԵՄԻԱ ՎԵՐՍՏԻՆ Կ’ԱԶԱՏԻ

Բաբելոնի Նաբուգոդոնոսոր թագաւորը Երեմիայի համար Նաբուզարդան թիկնապահապետին պատուիրեց.

«Ա՛ռ զայն ու ⁶հո՛գ տար անոր՝՝. ո՛չ մէկ չարիք ըրէ անոր, հապա վարուէ՛ անոր հետ ինչպէս որ ինք քեզի ըսէ»։

Նաբուզարդան թիկնապահապետը, Նաբուսազաբան պալատականներու պետը, Ներգեղսարասար մոգպետը եւ Բաբելոնի թագաւորին բոլոր պետերը մարդ ղրկեցին,

Երեմիան բանտին բակէն բերել տուին ու զինք յանձնեցին Սափանի որդիին՝ Աքիկամի որդիին՝ Գոդողիայի, որպէսզի զայն տունը ⁷տանի։ Այսպէս ան ժողովուրդին մէջ բնակեցաւ։

ՅՈՅՍ ԱԲԴԵՄԵԼԷՔԻ ՀԱՄԱՐ

⁸Տէրը խօսեցաւ՝՝ Երեմիայի, երբ ան բանտին բակին մէջ արգելափակուած էր, ըսելով.

«Գնա՛ ու Եթովպիացի Աբդեմելէքի ըսէ՛. “Զօրքերու Տէրը՝ Իսրայէլի Աստուածը սա՛ կը յայտարարէ. "Ահա՛ ես այս քաղաքին մասին ըսած խօսքերս պիտի ⁹իրագործեմ չարիքի համար, ո՛չ թէ բարիքի, եւ այդ օրը քու ¹⁰առջեւդ պիտի կիրարկուին։

Այդ օրը քեզ պիտի ազատեմ,— կը պատգամէ Տէրը,— ու պիտի չմատնուիս այն մարդոց ձեռքը՝ որոնցմէ կը վախնաս։

Արդարեւ քեզ անշուշտ պիտի ազատեմ, եւ սուրով պիտի չիյնաս. կեանքդ քեզի աւարի մը պէս պիտի ըլլայ, քանի որ ինծի վստահեցար", կը պատգամէ Տէրը”»։