Micah 5

Jonah  «  Micah 4  ‹  Micah 5  ›  Micah 6  »  Nahum

Հիմա ¹գունդե՛րդ հաւաքէ՝՝, ո՛վ գունդի աղջիկ. ²Մեզ պաշարած են՝՝։ Գաւազանով պիտի զարնեն Իսրայէլի դատաւորին այտին։

ՏԷՐԸ ՓՐԿԻՉ ՄԸ ԿԸ ԽՈՍՏԱՆԱՅ ԲԵԹԼԵՀԷՄԻ

Իսկ դո՛ւն, ո՛վ Բեթլեհէմ Եփրաթա, Թէպէտ Յուդայի հազարաւորներուն մէջ փոքր ես, Քեզմէ՛ պիտի ելլէ ինծի համար ա՛ն՝ որ Իսրայէլի վրայ կառավարիչ պիտի ըլլայ. Անոր ծագումը վաղեմի, յաւիտենական օրերէն է։

Հետեւաբար ան պիտի ³լքէ զանոնք Մինչեւ ⁴ծնանողին ծնանելու ատենը, Յետոյ անոր եղբայրներուն մնացորդը Իսրայէլի որդիներուն պիտի վերադառնայ։

Ան պիտի ⁵գոյատեւէ ու պիտի հովուէ Տէրոջ զօրութեամբ, Տէրոջ՝ իր Աստուծոյն անունին մեծափառութեամբ. Եւ անոնք ապահովութեամբ պիտի բնակին, Որովհետեւ ան արդէն մինչեւ երկրի ծայրերը պիտի մեծնայ։

ԱԶԱՏՈՒՄ ԵՒ ՊԱՏԻԺ

Ա՛ն պիտի ⁶բերէ խաղաղութիւնը։ Երբ Ասորեստանցին մեր երկիրը մտնէ Ու մեր պալատները ոտնակոխ ընէ, Անոր դէմ եօթը հովիւ Եւ ութ ⁷նախարար ոտքի պիտի հանենք։

Անոնք սուրի ճարակ պիտի ընեն Ասորեստանի երկիրը, Ու Նեբրովթի երկիրը՝ իր դռներուն մէջ։ Ան մեզ պիտի ազատէ Ասորեստանցիէն, Երբ ան մեր երկիրը մտնէ Եւ մեր հողամասը ոտնակոխ ընէ։

Յակոբի մնացորդը շատ ժողովուրդներու մէջ Տէրոջմէն եկող ցօղի պէս պիտի ըլլայ, Տարափի պէս՝ որ բոյսի վրայ կ’իջնէ, Որ մարդէն ⁸ոչինչ կ’ակնկալէ՝՝, Ու մարդու որդիներէն ոչինչ կը յուսայ։

Յակոբի մնացորդը ազգերուն մէջ, Շատ ժողովուրդներու մէջ այնպէս պիտի ըլլայ, Ինչպէս առիւծ մը՝ անտառի գազաններուն մէջ, Կամ առիւծի կորիւն մը՝ ոչխարներու հօտերուն մէջ. Ան եթէ անցնի՝ կը կոխկռտէ ու կը բզքտէ, Եւ ո՛չ մէկը կրնայ ազատել։

Քու ձեռքդ հակառակորդներուդ վրայ պիտի բարձրանայ, Ու բոլոր թշնամիներդ պիտի բնաջնջուին։

«Այդ օրը,— կը պատգամէ Տէրը,— Ձիերդ քու մէջէդ պիտի բնաջնջեմ, Եւ կառքերդ պիտի կորսնցնեմ.

Քու երկրիդ քաղաքները պիտի կործանեմ, Ու բոլոր ամրոցներդ պիտի փլցնեմ.

Քու ձեռքէդ կախարդութիւնները պիտի փճացնեմ, Եւ ո՛չ մէկ գուշակ պիտի ունենաս։

Քու մէջէդ ⁹կուռքերդ Ու արձաններդ պիտի կոտրտեմ, Եւ ա՛լ ձեռքերուդ գործերուն պիտի չերկրպագես։

Քու մէջէդ աստարովթները պիտի խլեմ, Ու քաղաքներդ պիտի կործանեմ։

Ինծի չհնազանդող ¹⁰ազգերէն Բարկութեամբ եւ ցասումով վրէժ պիտի առնեմ»։