Psalm 36
Job « Psalm 35 ‹ Psalm 36 › Psalm 37 » Proverbs
ՄԱՐԴՈՒՆ ՉԱՐՈՒԹԻՒՆԸ Գլխաւոր երաժիշտին՝ Տէրոջ ծառային՝ Դաւիթի սաղմոսը։
1Ամբարիշտին յանցանքին մասին սիրտիս մէջի պատգամը սա՛ է. Աստուծոյ երկիւղը չկայ իր աչքերուն առջեւ,
2Որովհետեւ ինքզինք կը շողոքորթէ իր աչքերուն, Փոխանակ իր անօրէնութիւնը գտնելու եւ ատելու։
3Անոր բերանին խօսքերը անօրէնութիւն ու խաբէութիւն են. Հրաժարած է ուշիմ ըլլալէ եւ բարիք ընելէ։
4Իր անկողինին մէջ անօրէնութեան մասին կը մտածէ. Կը 1գտնուի այնպիսի ճամբայի մը մէջ՝ որ լաւ չէ, Եւ չարութիւնը չի մերժեր։
5Ո՛վ Տէր, քու կարեկցութիւնդ մինչեւ երկինք կը հասնի, Եւ քու հաւատարմութիւնդ՝ մինչեւ նօսր ամպերը։
6Քու արդարութիւնդ 2հզօր լեռներու պէս է, Քու դատաստաններդ մեծ անդունդ մըն են. Դո՛ւն մարդիկն ու անասունները 3կ’ապրեցնես, ո՛վ Տէր։
7Ի՜նչ պատուական է քու կարեկցութիւնդ, ո՛վ Աստուած. Մարդոց որդիները քու թեւերուդ հովանիին կ’ապաւինին։
8Անոնք քու տանդ պարարտութենէն պիտի յագենան, Եւ քու զուարճութիւններուդ վտակէն պիտի խմցնես անոնց.
9Արդարեւ քո՛ւ քովդ է կեանքի աղբիւրը, Քո՛ւ լոյսովդ 4կը լուսաւորուինք՝՝։
10Երկարաձգէ՛ քու կարեկցութիւնդ՝ քեզ ճանչցողներուն, Ու քու արդարութիւնդ՝ սիրտով ուղիղներուն։
115Յոխորտին ոտքը քովս թող չգայ, Եւ ամբարիշտներուն ձեռքը զիս չշարժէ։
12Հոն ինկան անօրէնութիւն գործողները. 6Տապալեցան, ու չկրցան կանգնիլ։