Psalm 41
Job « Psalm 40 ‹ Psalm 41 › Psalm 42 » Proverbs
ՀԻՒԱՆԴԻ ՄԸ ԱՂՕԹՔԸ Գլխաւոր երաժիշտին. Դաւիթի սաղմոսը։
1Երանի՜ անոր՝ որ չքաւորին 1ուշադրութիւն կը դարձնէ՝՝. Ձախորդութեան ժամանակ Տէրը պիտի ազատէ զինք։
2Տէրը պիտի պահպանէ եւ ողջ պահէ զինք. Երանելի պիտի ըլլայ երկրի վրայ, Ու պիտի չմատնէ զինք թշնամիներուն 2կամքին։
3Տէրը պիտի կազդուրէ զինք թուլութեան մահիճին վրայ. 3Պիտի բժշկէ զինք իր հիւանդութեան ատենը՝՝։
4Ես ըսի. «Ո՛վ Տէր, ողորմէ՛ ինծի, Բուժէ՛ իմ անձս, քանի քեզի դէմ մեղանչեցի»։
5Թշնամիներս կը չարախօսեն իմ մասիս՝ ըսելով. «Ե՞րբ պիտի մեռնի եւ անունը կորսուի»։
6Եթէ մէկը ինծի գայ՝ զիս տեսնելու համար, ունայն խօսքեր կ’ըսէ. Իր սիրտը անօրէնութիւն կը ժողվէ իրեն համար, Որպէսզի դուրս ելլելով խօսի։
7Բոլոր զիս ատողները միասին կը փսփսան ինծի դէմ. 4Կը չարախօսեն՝՝ ինծի դէմ՝ ըսելով.
8«5Վատ ախտէ մը վարակուած է՝՝. Եւ հիմա որ պառկած է, ա՛լ պիտի չկանգնի»։
9Մինչեւ անգամ իմ 6մտերիմս՝ որուն կը վստահէի, Իմ հացս ուտողը ինծի դէմ կրունկ վերցուց։
10Սակայն, ո՛վ Տէր, դո՛ւն ողորմէ ինծի ու կանգնեցո՛ւր զիս, Որպէսզի հատուցանեմ անոնց։
11Գիտե՛մ թէ ինձմէ կ’ախորժիս, Որովհետեւ թշնամիս վրաս չի 7պարծենար։
12Զիս պարկեշտութեանս մէջ կը պահես, Եւ յաւիտենապէս քու առջեւդ կը հաստատես։
13Օրհնեա՜լ ըլլայ Տէրը՝ Իսրայէլի Աստուածը 8Դարէ դար՝՝։ Ամէն ու ամէն։