Psalm 48
Job « Psalm 47 ‹ Psalm 48 › Psalm 49 » Proverbs
ՍԻՈՆ՝ ԱՍՏՈՒԾՈՅ ՔԱՂԱՔԸ Կորխի որդիներուն երգը. սաղմոս։
1Տէրը մեծ է, ու յոյժ գովելի է Մեր Աստուծոյն քաղաքին մէջ, Իր սուրբ լերան վրայ։
2Գեղեցիկ ու բարձր է Ամբողջ երկրին բերկրանքը՝ Հիւսիսային կողմերը եղող Սիոն լեռը, Մեծ Թագաւորին քաղաքը։
3Աստուած անոր պալատներուն մէջ Իբր միջնաբերդ ճանչցուած է։
4Արդարեւ ահա՛ թագաւորները հաւաքուեցան, Միասին շրջագայեցան.
5Տեսան ու զարմացան, Շփոթեցան եւ աճապարելով փախան։
6Հոն դող մը համակեց զանոնք, 1Ցաւ մը՝ ծննդաբերող կնոջ ցաւին պէս.
7Արեւելեան հովով Թարսիսի նաւերը փշրեցիր։
8Ինչպէս լսեցինք՝ այնպէս ալ տեսանք Զօրքերու Տէրոջ քաղաքին մէջ, Մեր Աստուծոյն քաղաքին մէջ. Աստուած զայն պիտի հաստատէ յաւիտենապէս։ (Սելա։)
9Ո՛վ Աստուած, քու կարեկցութեանդ վրայ կը մտածենք Քու տաճարիդ մէջ։
10Քու գովաբանութիւնդ, ո՛վ Աստուած, Քու անունիդ պէս մինչեւ երկրի ծայրերն է. Արդարութեամբ լեցուն է քու աջ ձեռքդ։
11Սիոն լեռը թող ուրախանայ, Եւ Յուդայի 2աղջիկները թող խայտան՝ Քու դատաստաններուդ պատճառով։
123Պտըտեցէ՛ք Սիոնի շուրջ, Շրջապատեցէ՛ք զայն, 4Համրեցէ՛ք անոր աշտարակները.
135Ուշադրութեա՛մբ դիտեցէք՝՝ անոր պատուարները, Զննեցէ՛ք անոր պալատները, Որպէսզի պատմէք յաջորդ սերունդին։
14Արդարեւ այս Աստուածը մե՛ր Աստուածն է՝ 6դարէ դար՝՝. Ի՛նք պիտի առաջնորդէ մեզ՝ մինչեւ մահ։