Psalm 53

Job  «  Psalm 52  ‹  Psalm 53  ›  Psalm 54  »  Proverbs

ՄԱՐԴՈՑ ԱՆԶԳԱՄՈՒԹԻՒՆԸ Գլխաւոր երաժիշտին. մահալաթի վրայ. Դաւիթի երգը։

Անզգամը իր սիրտին մէջ ըսաւ. «Աստուած չկայ»։ Ապականեցան պիղծ անիրաւութեամբ։ Չկայ մէկը՝ որ բարիք ընէ։

Աստուած երկինքէն նայեցաւ մարդոց որդիներուն, Որպէսզի տեսնէ թէ կա՛յ արդեօք ուշիմ մէկը՝ Որ Աստուած փնտռէ։

Բոլո՛րը ¹խոտորեցան, միասին անպիտան եղան. Ո՛չ մէկ բարիք ընող կայ, ո՛չ իսկ մէկ հատ։

Միթէ գիտակից չե՞ն անօրէնութիւն գործողները, Որոնք իմ ժողովուրդս կ’ուտեն՝ հաց ուտելու պէս, Եւ Աստուծոյ չեն գոչեր։

Հո՛ն ուր երկիւղ չկար՝ անոնք շատ վախցան, Որովհետեւ Աստուած քեզի դէմ բանակողներուն ոսկորները ցրուեց. Ամչցուցիր զանոնք, որովհետեւ Աստուած անարգեց զանոնք։

Երանի՜ թէ Սիոնէն գար Իսրայէլի փրկութիւնը. Երբ Աստուած իր ժողովուրդը գերութենէն վերադարձնէ՝ Յակոբ պիտի խայտայ, եւ Իսրայէլ ուրախանայ։