Psalm 54
Job « Psalm 53 ‹ Psalm 54 › Psalm 55 » Proverbs
ԱՂՕԹՔ՝ ԹՇՆԱՄԻՆԵՐԷՆ ՊԱՇՏՊԱՆՈՒԵԼՈՒ ՀԱՄԱՐ Գլխաւոր երաժիշտին. նկինօթի վրայ. Դաւիթի երգը, երբ Զիփացիները եկան ու Սաւուղի ըսին. «Ահա՛ Դաւիթ մեր քով պահուըտած է»։
1Ո՛վ Աստուած, ազատէ՛ զիս քու անունովդ, Դա՛տս պաշտպանէ քու զօրութեամբդ։
2Ո՛վ Աստուած, լսէ՛ իմ աղօթքս, Ունկնդրէ՛ բերանիս խօսքերը.
3Որովհետեւ օտարները ինծի դէմ կանգնեցան, Բռնակալները իմ անձս կը փնտռեն, Եւ Աստուած իրենց առջեւ չդրին։ (Սելա։)
4Ահա՛ Աստուա՛ծ է իմ օգնականս. Տէրը անձիս նեցուկ եղողներուն հետ է։
5Չարիքը 1ոսոխներուս պիտի վերադարձնէ. Բնաջնջէ՛ զանոնք քու ճշմարտութեամբդ։
6Ես յօժարակամ քեզի զոհ պիտի մատուցանեմ, Քու անունդ պիտի ներբողեմ, ո՛վ Տէր, որովհետեւ 2բարի է.
7Արդարեւ զիս ամէն տագնապէ ազատեց, Եւ աչքս թշնամիներուս կորուստը տեսաւ։