Psalm 56
Job « Psalm 55 ‹ Psalm 56 › Psalm 57 » Proverbs
ՎՍՏԱՀՈՒԹԵԱՆ ԱՂՕԹՔ՝ ԱՍՏՈՒԾՈՅ ՎՐԱՅ Գլխաւոր երաժիշտին. Եոնաթ-Էլէմ-Րեհոգիմի վրայ. Դաւիթի երգը, երբ Փղշտացիները բռնեցին զինք Գէթի մէջ։
1Ողորմէ՛ ինծի, ո՛վ Աստուած, Որովհետեւ մարդը կ’ուզէ զիս կլլել. Ամէն օր պայքարելով՝ զիս կը տանջէ։
21Ոսոխներս ամէն օր կ’ուզեն զիս կլլել, Քանի շատեր 2գոռոզութեամբ կը պայքարին ինծի դէմ։
33Երբ վախնամ՝՝ քեզի պիտի վստահիմ։
4Աստուծմով պիտի գովաբանեմ իր խօսքը. Աստուծոյ կը վստահիմ, պիտի չվախնամ. 4Մարդը ինծի ի՞նչ կրնայ ընել։
5Ամէն օր 5զիս կը վշտացնեն՝՝, Իմ մասիս անոնց բոլոր մտածումները չարութեան համար են։
6Կը զինակցին, կը պահուըտին, Իմ հետքերս կը դիտեն, Որովհետեւ անձիս կը սպասեն՝ որ զիս կորսնցնեն։
7Միթէ անօրէնութեամբ պիտի ազատի՞ն. Ո՛վ Աստուած, քու բարկութեամբդ նուաստացո՛ւր ժողովուրդները։
8Իմ թափառումներս հաշուեցիր. Դի՛ր արցունքներս քու տիկիդ մէջ. Միթէ անոնք քու գիրքիդ մէջ գրուած չե՞ն։
9Թշնամիներս պիտի նահանջեն այն օրը՝ երբ քեզի գոչեմ. Ասիկա գիտեմ, որովհետեւ Աստուած ինծի հետ է։
10Աստուծմո՛վ պիտի գովաբանեմ իր խօսքը, Տէրոջմո՛վ պիտի գովաբանեմ իր խօսքը։
11Աստուծոյ կը վստահիմ, պիտի չվախնամ. Մարդը ինծի ի՞նչ կրնայ ընել։
12Ո՛վ Աստուած, 6քեզի ըրած ուխտերս պիտի կատարեմ՝՝։ Քեզի 7շնորհակալութեան զոհ պիտի մատուցանեմ՝՝,
13Որովհետեւ իմ անձս մահէն ազատեցիր։ Ոտքերս ալ անկումէն զերծ չե՞ս պահեր, Որպէսզի Աստուծոյ առջեւ ընթանամ ապրողներու լոյսին մէջ։