Psalm 64
Job « Psalm 63 ‹ Psalm 64 › Psalm 65 » Proverbs
ԱՂՕԹՔ՝ ՊԱՀՊԱՆՈՒԹԵԱՆ ՀԱՄԱՐ Գլխաւոր երաժիշտին. Դաւիթի սաղմոսը։
1Ո՛վ Աստուած, լսէ՛ իմ ձայնս՝ երբ կը գանգատիմ. Պահպանէ՛ կեանքս թշնամիին երկիւղէն։
21Պահէ՛ զիս չարագործներուն խորհրդաժողովէն, Անօրէնութիւն գործողներուն բազմութենէն,
3Որոնք իրենց լեզուները սուրի պէս կը սրեն, Իրենց աղեղները կը լարեն՝ որ իրենց նետերը — լեղի խօսքերը —
4Ծածուկ տեղէն արձակեն պարկեշտին. Յանկարծակի անոր կ’արձակեն, ու չեն վախնար։
5Իրենց չար արարքներուն մէջ 2կը քաջալերուին՝՝, Որոգայթներ թաղելու մասին կը խօսակցին. Կ’ըսեն. «Ո՞վ պիտի տեսնէ զանոնք»։
6Անիրաւութիւն կը 3հնարեն, Ու կ’ըսեն. «4Վերջացուցինք մեր ծրագրածը՝՝»։ Իւրաքանչիւրին ներսը եւ սիրտը խորունկ են։
7Բայց Աստուած իր նետը անոնց պիտի արձակէ. Անոնք յանկարծ պիտի վիրաւորուին։
8Անոնց լեզուն զիրենք պիտի 5տապալէ իրարու վրայ. Բոլոր զանոնք տեսնողները պիտի փախչին։
9Բոլոր մարդիկը պիտի վախնան. Աստուծոյ արարքները պիտի հռչակեն, Եւ անոր գործին 6ուշադրութիւն դարձնեն՝՝։
10Արդարը Տէրոջմով պիտի ուրախանայ, եւ անոր պիտի ապաւինի. Ամէն սիրտով ուղիղ՝ անով պիտի պարծենայ։