Psalm 88
Job « Psalm 87 ‹ Psalm 88 › Psalm 89 » Proverbs
Եզրահացի Եմանի երգը։
ՕԳՆՈՒԹԵԱՆ ԱՂԵՐՍ Երգ. Կորխի որդիներուն սաղմոսը. Գլխաւոր երաժիշտին. մահալաթ-լէանօթի վրայ.
1Ո՛վ Տէր, իմ փրկութեա՛նս Աստուածը, Ցերեկ ու գիշեր քու առջեւդ կ’աղաղակեմ։
2Իմ աղօթքս քու առջեւդ թող ելլէ, Դարձո՛ւր քու ականջդ իմ 1պաղատանքիս.
3Որովհետեւ իմ անձս ձախորդութիւններով 2լեցուեցաւ, Եւ կեանքս 3դժոխքին 4մօտեցաւ։
4Գուբը իջնողներուն հետ սեպուեցայ. Ոյժ չունեցող 5մարդու մը պէս եղայ։
5Մեռելներու մէջ 6ինկած եմ՝ Գերեզմանի մէջ պառկող 7սպաննուածներու պէս, Որոնք ա՛լ չես յիշեր, Եւ 8քու ձեռքէդ կտրուած՝՝ են։
6Դուն զիս ամենէն 9խորունկ գուբին մէջ դրիր, Խաւարին ու խորխորատին մէջ.
7Քու ցասումդ 10ծանրացաւ իմ վրաս, Եւ բոլոր կոհակներովդ զիս տառապեցուցիր։ (Սելա։)
8Իմ ճանչուորներս ինձմէ հեռացուցիր, Զիս գարշելի ըրիր անոնց առջեւ. Արգելափակուեցայ, ու չեմ կրնար դուրս ելլել։
9Տառապանքէն աչքերս մարեցան. Ամէն օր քեզի գոչեցի, ո՛վ Տէր, Ձեռքերս քեզի երկարեցի։
10Միթէ մեռելներո՞ւն սքանչելիք պիտի ընես. Միթէ ուրուականնե՞րը պիտի կանգնին ու քեզ ներբողեն։ (Սելա։)
11Միթէ կը պատմուի՞ քու կարեկցութիւնդ գերեզմանին մէջ, Եւ քու հաւատարմութիւնդ՝ 11վիհին մէջ։
12Միթէ կը գիտցուի՞ն քու սքանչելիքներդ խաւարին մէջ, Ու քու արդարութիւնդ՝ մոռացումի երկրին մէջ։
13Բայց ես, ո՛վ Տէր, քեզի՛ աղաղակեցի, Եւ աղօթքս առտուն քու առջեւդ պիտի ելլէ։
14Ո՛վ Տէր, ինչո՞ւ իմ անձս կը մերժես, Ու քու երեսդ ինձմէ կը ծածկես։
15Ես դժբախտ եմ, մանկութենէս ի վեր շունչս տալու մօտ եմ. Քու ահերդ կրեցի ու խռովեցայ։
16Քու բորբոքումդ իմ վրայէս անցաւ, Եւ քու արհաւիրքներդ զիս բնաջնջեցին.
17Ամէն օր ջուրի պէս զիս պաշարեցին, Միասին զիս շրջապատեցին։
18Սիրելին ու բարեկամը ինձմէ հեռացուցիր. Իմ ճանչուորներս խաւարի մէջ են։