Psalm 90

Job  «  Psalm 89  ‹  Psalm 90  ›  Psalm 91  »  Proverbs

ԱՍՏՈՒԱԾ ԵՒ ՄԱՐԴԸ Աստուծոյ մարդուն՝ Մովսէսի աղօթքը։

Ո՛վ Տէր, դուն մեզի ¹պատսպարան եղար սերունդէ սերունդ։

Լեռներուն ծնելէն առաջ՝ Երկրին ու երկրագունդին ²ստեղծուելէն առաջ՝ ³Դարէ դար՝՝ դուն Աստուած ես։

Դուն մարդը ⁴փոշիի կը վերածես՝՝, Եւ կ’ըսես. «Վերադարձէ՛ք, մարդոց որդիներ»։

Արդարեւ հազար տարին քու առջեւդ երէկուան պէս է՝ որ անցաւ, Կամ գիշերուան պահու մը պէս։

⁵Կ’ընկղմես ⁶զանոնք, ⁷երազի պէս կ’ըլլան, Առտուն ⁸աճող խոտին պէս կ’ըլլան.

Առտուն կը բուսնի ու կ’աճի, Իրիկունը կը կտրուի եւ կը չորնայ։

Արդարեւ քու բարկութենէդ կը ⁹հիւծինք, Քու ցասումէդ կը շփոթինք։

Մեր անօրէնութիւնները քու առջեւդ դրիր, Ու մեր թաքուն մեղքերը՝ քու երեսիդ ¹⁰լոյսին մէջ։

Արդարեւ մեր բոլոր օրերը քու ցասումովդ կ’անցնին, Մեր տարիները ¹¹ցնորքի մը պէս կ’աւարտին։

Մեր ¹²կեանքին տարիները եօթանասուն՝՝ են. Եթէ զօրութեամբ ութսուն ալ ըլլան, Տակաւին անոնց հպարտանքը տաժանք եւ ունայնութիւն է, Որովհետեւ ¹³անոնք շուտով կ’անցնին՝՝, ու մենք կը թռչինք։

Ո՞վ գիտէ քու բարկութեանդ զօրութիւնը Ու քու ցասումդ՝ վախիդ համեմատ։

Այնպէս սորվեցուր մեզի մեր օրերը համրել, Որ սիրտի իմաստութիւն ¹⁴ստանանք։

Վերադարձի՛ր, ո՛վ Տէր, մինչեւ ե՞րբ. Արգահատէ՛ քու ծառաներուդ։

Առտուն կանուխ կշտացո՛ւր մեզ քու կարեկցութեամբդ, Որպէսզի ցնծանք եւ ուրախանանք մեր բոլոր օրերուն մէջ։

Ուրախացո՛ւր մեզ այն օրերուն չափով՝ որ տառապեցուցիր. Այն տարիներուն չափով՝ որ ձախորդութիւն տեսանք։

Քու գործդ թող երեւնայ քու ծառաներուդ, Եւ քու փառաւորութիւնդ՝ անոնց որդիներուն։

Տէրոջ՝ մեր Աստուծոյն ¹⁵վայելչութիւնը մեր վրայ թող ըլլայ։ Մեր ձեռքերուն գործը հաստատէ՛ մեր վրայ. Մեր ձեռքերուն գործը հաստատէ՛։