Psalm 91
Job « Psalm 90 ‹ Psalm 91 › Psalm 92 » Proverbs
ԱՍՏՈՒԱԾ՝ ՄԵՐ ՊԱՇՏՊԱՆԸ
1Ամենաբարձրին ծածկոյթին տակ բնակողը՝ Ամենակարողին հովանիին տակ պիտի 1հանգչի։
2Տէրոջ համար պիտի ըսեմ. «Իմ ապաւէնս ու բերդս է, Իմ Աստուածս՝ որուն կը վստահիմ»։
3Արդարեւ ա՛ն քեզ պիտի ազատէ թռչնորսին վարմէն, Աղետալի ժանտախտէն.
4Իր փետուրներով քեզ պիտի ծածկէ, Եւ իր թեւերուն տակ պիտի 2ապաստանիս. Անոր ճշմարտութիւնը քու ասպարդ ու վահանդ պիտի ըլլայ։
5Պիտի չվախնաս գիշերուան երկիւղէն, Ո՛չ ալ ցերեկը թռչող նետէն,
6Մութին մէջ շրջող ժանտախտէն, Կամ կէսօրին բնաջնջող աւերումէն։
7Եթէ հազար հոգի քու քովէդ իյնան, Ու տասը հազար՝ քու աջ կողմէդ, Հարուածը քեզի պիտի չմօտենայ.
8Միայն աչքերովդ պիտի նայիս, Եւ ամբարիշտներուն հատուցումը տեսնես։
9Քանի դուն Տէրը՝ իմ Ապաւէնս, Ամենաբարձրը՝ քեզի 3պատսպարան ըրիր,
10Ո՛չ մէկ չարիք պիտի հասնի քեզի, Ո՛չ ալ հարուած մը պիտի մօտենայ վրանիդ։
11Արդարեւ իր հրեշտակներուն պիտի պատուիրէ քու մասիդ, Որ բոլոր ճամբաներուդ մէջ պահպանեն քեզ.
12Իրենց ձեռքերուն վրայ պիտի կրեն քեզ, Որ ոտքդ քարի մը չզարնես.
134Մռնչող առիւծի՝՝ եւ քարբի վրայ պիտի քալես, Առիւծի կորիւնն ու վիշապը պիտի կոխկռտես։
14Քանի զիս կը հաւնի՝ Զինք պիտի ազատեմ. Զինք պիտի պաշտպանեմ, Որովհետեւ իմ անունս գիտցաւ։
15Ինծի պիտի գոչէ, եւ իրեն պիտի պատասխանեմ. Իրեն հետ պիտի ըլլամ տագնապի մէջ. Զինք պիտի ազատեմ ու պատուեմ։
16Երկար օրերով զինք պիտի կշտացնեմ, Եւ իմ փրկութիւնս իրեն ցոյց պիտի տամ։