Psalm 98
Job « Psalm 97 ‹ Psalm 98 › Psalm 99 » Proverbs
ԱՍՏՈՒԱԾ՝ ԱՇԽԱՐՀԻ ԻՇԽԱՆԸ Սաղմոս
1Նո՛ր երգ երգեցէք Տէրոջ, Որովհետեւ սքանչելիքներ ըրաւ. Իր աջ ձեռքն ու սուրբ բազուկը 1Իրեն յաղթութիւն տուին՝՝։
2Տէրը գիտցուց իր փրկութիւնը, Հեթանոսներուն առջեւ յայտնեց իր արդարութիւնը։
3Յիշեց իր կարեկցութիւնն ու հաւատարմութիւնը Իսրայէլի տան հանդէպ. Երկրի բոլոր ծայրերը Մեր Աստուծոյն փրկութիւնը տեսան։
4Ուրախութեա՛մբ գոչեցէք Տէրոջ, դուք բոլորդ՝ երկրի՛ բնակիչներ. Ցնծութեա՛մբ պոռթկացէք եւ սաղմո՛ս ըսէք։
5Սաղմո՛ս երգեցէք Տէրոջ՝ քնարով, Քնարով ու նուագի ձայնով.
6Փողերով եւ շեփորի ձայնով Գոչեցէ՛ք Տէրոջ՝ Թագաւորին առջեւ։
7Թող 2գոռան ծովն ու զայն լեցնողները, Երկրագունդը եւ անոր բնակիչները։
8Գետերը թող ծափ զարնեն, Ու լեռները միասին թող հրճուին
9Տէրոջ առջեւ, որովհետեւ կու գայ երկիրը դատելու. Ան պիտի դատէ երկրագունդը արդարութեամբ, Եւ ժողովուրդները՝ ուղղամտութեամբ։