Psalm 101
Job « Psalm 100 ‹ Psalm 101 › Psalm 102 » Proverbs
ԹԱԳԱՒՈՐԻ ՄԸ ԽՈՍՏՈՒՄԸ Դաւիթի սաղմոսը։
1Կարեկցութիւնն ու իրաւունքը պիտի երգեմ. Ո՛վ Տէր, քեզի սաղմոս պիտի ըսեմ։
2Ուշիմութեամբ պիտի վարուիմ անթերի ճամբային մէջ. Ե՞րբ ինծի պիտի գաս։ Իմ տանս մէջ սիրտիս պարկեշտութեամբ պիտի ընթանամ։
3Աչքերուս առջեւ 1անօրէն բան պիտի չդնեմ. Մոլորածներուն վարմունքը կ’ատեմ, Ան ինծի թող չփակչի։
4Ծուռ սիրտը թող հեռանայ ինձմէ. Չարը պիտի չճանչնամ։
5Ան որ ծածկաբար կը բամբասէ իր ընկերին դէմ՝ պիտի բնաջնջեմ. Ան որ խրոխտ աչքեր եւ հպարտ սիրտ ունի՝ Անոր պիտի չհանդուրժեմ։
6Իմ աչքերս երկրի հաւատարիմներուն վրայ պիտի ըլլան՝ Որպէսզի բնակին ինծի հետ. Պարկեշտութեան ճամբայէն ընթացո՛ղը Պաշտօն պիտի կատարէ ինծի։
7Խաբէութեամբ վարուողը պիտի չբնակի իմ տանս մէջ. Սուտ խօսողը պիտի չհաստատուի աչքերուս առջեւ։
8Առտուն կանուխ պիտի փճացնեմ երկրին բոլոր ամբարիշտները, Որպէսզի Տէրոջ քաղաքէն բնաջնջեմ բոլոր անօրէնութիւն գործողները։