Psalm 107
Job « Psalm 106 ‹ Psalm 107 › Psalm 108 » Proverbs
ԱՍՏՈՒԾՈՅ ԲԱՐՈՒԹԵԱՆ ՓԱՌԱԲԱՆՈՒԹԻՒՆԸ
1Շնորհակա՛լ եղէք Տէրոջմէն, որովհետեւ բարի է, Որովհետեւ անոր կարեկցութիւնը յաւիտենական է։
2Այսպէս թող ըսեն Տէրոջ փրկածները, Որոնք փրկեց թշնամիին ձեռքէն,
3Ու հաւաքեց զանոնք երկիրներէն, Արեւելքէն, արեւմուտքէն, հիւսիսէն եւ 1ծովէն։
4Անոնք դեգերեցան անապատին մէջ, ամայի ճամբայի մը մէջ. Քաղաք չգտան՝ բնակելու համար։
5Անօթի ու ծարաւ ըլլալով՝ Իրենց անձը կը թալկանար իրենց ներսը։
6Տէրոջ աղաղակեցին իրենց տագնապին մէջ, Եւ ան ազատեց զանոնք իրենց տուայտանքներէն.
7Զիրենք ուղիղ ճամբային մէջ առաջնորդեց, Որպէսզի բնակութեան քաղաք մը հասնին։
8Թող շնորհակալ ըլլան Տէրոջմէն՝ իր կարեկցութեան համար, Ու մարդոց որդիներուն ըրած իր սքանչելիքներուն համար.
9Որովհետեւ ան պապակած անձը կը 2յագեցնէ, Եւ անօթեցած անձը բարիքներով կը լեցնէ։
10Անոնք խաւարի ու մահուան շուքի մէջ կը բնակէին, Տառապանքով ու երկաթով կապուած էին.
11Քանի որ Աստուծոյ խօսքերուն դէմ ընդվզեցան, Եւ Ամենաբարձրին ծրագիրը անարգեցին։
12Ուստի ինք ալ տաժանքով խոնարհեցուց անոնց սիրտը. Ինկան, եւ օգնական մը չկար։
13Այն ատեն Տէրոջ աղաղակեցին իրենց տագնապին մէջ, Ու զանոնք փրկեց իրենց տուայտանքներէն։
14Զանոնք խաւարէն ու մահուան շուքէն հանեց, Եւ անոնց կապանքները փրցուց։
15Թող շնորհակալ ըլլան Տէրոջմէն՝ իր կարեկցութեան համար, Ու մարդոց որդիներուն ըրած իր սքանչելիքներուն համար.
16Որովհետեւ պղինձէ դռները կոտրեց, Ու երկաթէ նիգերը կոտրտեց։
17Յիմարները իրենց 3չար ճամբային՝՝ համար Եւ իրենց անօրէնութիւններուն համար կը տառապին։
18Անոնց անձը ամէն կերակուրէ կը գարշի, Ու մինչեւ մահուան դռներուն կը 4մօտենան։
19Տէրոջ կ’աղաղակեն իրենց տագնապին մէջ, Եւ զանոնք կը փրկէ իրենց տուայտանքներէն։
20Իր խօսքը կը ղրկէ ու զանոնք կը բուժէ, Եւ կ’ազատէ իրենց 5փոսերէն։
21Թող շնորհակալ ըլլան Տէրոջմէն՝ իր կարեկցութեան համար, Ու մարդոց որդիներուն ըրած իր սքանչելիքներուն համար.
22Շնորհակալութեան զոհ թող մատուցանեն, Եւ անոր գործերը ցնծութեամբ պատմեն։
23Նաւերով 6ծովուն վրայ ճամբորդողները՝՝ Ու յորդառատ ջուրերու մէջ գործ կատարողները՝
24Իրե՛նք կը տեսնեն Տէրոջ գործերը, Եւ անոր սքանչելիքները՝ խորխորատին մէջ։
25Արդարեւ ինք կը հրամայէ՝ ու մրրկալից հովը 7կը փչէ՝՝, 8Եւ ծովուն՝՝ ալիքները կը բարձրացնէ։
26Երկինք կ’ելլեն, անդունդը կ’իջնեն, Եւ անոնց անձերը 9տագնապէն կը հալին.
27Գինովի պէս կը տարուբերին ու կը դանդաչեն, Եւ անոնց ամբողջ իմաստութիւնը 10կ’ոչնչանայ՝՝։
28Այն ատեն Տէրոջ կ’աղաղակեն իրենց տագնապին մէջ, Ու զանոնք կը փրկէ իրենց տուայտանքներէն.
29Մրրիկը կը լռեցնէ, Եւ ալիքները կը հանդարտին։
30Իրենք ալ կ’ուրախանան որ հանդարտած են, Ու զանոնք կ’առաջնորդէ իրենց փափաքած նաւահանգիստը։
31Թող շնորհակալ ըլլան Տէրոջմէն՝ իր կարեկցութեան համար, Ու մարդոց որդիներուն ըրած իր սքանչելիքներուն համար.
32Զինք թող բարձրացնեն ժողովուրդին համախմբումին մէջ, Զինք թող գովաբանեն երէցներուն 11ատեանին մէջ։
33Գետերը անապատներու կը 12վերածէ, Ու ջուրի ակերը՝ ծարաւուտ երկրի.
34Նաեւ պտղաբեր երկիրը՝ աղահանքի, Անոր բնակիչներուն չարութեան պատճառով։
35Անապատը ջուրի լիճի կը վերածէ, Եւ անջրդի հողը՝ ջուրի ակերու.
36Անօթիները հոն կը բնակեցնէ, Որ բնակութեան քաղաք հաստատեն,
37Արտեր հերկեն ու սերմանեն, եւ այգիներ տնկեն՝ Որպէսզի բերք եւ պտուղ տան։
38Զանոնք կ’օրհնէ, ու անոնք չափազանց կը բազմանան. Անոնց անասունները չի պակսեցներ։
39Յետոյ կը նուազին եւ նկուն կ’ըլլան՝ Կաշկանդումէն, ձախորդութենէն ու տրտմութենէն։
40Արհամարհանք կը թափէ ազնուականներուն վրայ, Եւ անոնց դեգերիլ կու տայ ամայութեան մէջ, ուր ճամբայ չկայ։
41Բայց աղքատը տառապանքէն կը պաշտպանէ, Ու գերդաստանները ոչխարներու հօտի պէս 13կը բազմացնէ՝՝։
42Ուղիղները պիտի տեսնեն եւ ուրախանան Բայց ամէն անիրաւութիւն իր բերանը պիտի գոցէ։
43Ո՞վ իմաստուն է՝ որ այս բաներուն ուշադիր ըլլայ. Ա՛ն պիտի հասկնայ Տէրոջ կարեկցութիւնները։