Psalm 113
Job « Psalm 112 ‹ Psalm 113 › Psalm 114 » Proverbs
ԱՍՏՈՒԾՈՅ ԲԱՐՈՒԹԻՒՆԸ
1Ալէլուիա՜։ Գովաբանեցէ՛ք, ո՛վ Տէրոջ ծառաները, Գովաբանեցէ՛ք Տէրոջ անունը։
2Օրհնեա՜լ ըլլայ Տէրոջ անունը՝ Հիմա եւ յաւիտեան։
3Արեւելքէն մինչեւ արեւմուտք՝ Գովելի ըլլայ Տէրոջ անունը։
4Տէրը բարձրացած է բոլոր ազգերէն վեր. Անոր փառքը երկինքէն վեր է։
5Ո՞վ կայ Տէրոջ՝ մեր Աստուծոյն պէս, Որ բարձրութեան մէջ կը բնակի,
6Բայց կը 1ցածնայ՝ Երկինքի ու երկրի մէջ եղած բաները տեսնելու համար։
7Ան չքաւորը 2հողէն կը վերցնէ, Եւ աղքատը աղբիւսէն կը բարձրացնէ,
8Որպէսզի զանոնք նստեցնէ ազնուականներուն հետ, Իր ժողովուրդին ազնուականներուն հետ։
9Ան ամուլ կինը ընտանիքի մէջ կը բնակեցնէ՝ Իբր որդիներու ուրախ մայր։ Ալէլուիա՜։