Psalm 119

Job  «  Psalm 118  ‹  Psalm 119  ›  Psalm 120  »  Proverbs

ԱՍՏՈՒԾՈՅ ՕՐԷՆՔԸԱԼԷՖ

Երանի՜ անոնց՝ որ ճամբայով պարկեշտ են, Որոնք Տէրոջ Օրէնքին համաձայն կ’ընթանան։

Երանի՜ անոնց՝ որ անոր վկայութիւնները կը պահեն, Եւ ամբողջ սիրտով զինք կը փնտռեն.

Նաեւ անիրաւութիւն չեն գործեր, Հապա անոր ճամբաներէն կ’ընթանան։

Դուն պատուիրեցիր որ շա՛տ զգուշութեամբ Քու հրամաններդ պահենք։

Երանի՜ թէ ճամբաներս հաստատուին, Որպէսզի քու կանոններդ պահեմ.

Այն ատեն պիտի չամչնամ՝ Երբ քու բոլոր պատուիրաններուդ ¹ուշադիր ըլլամ՝՝։

Քեզ պիտի ներբողեմ ուղիղ սիրտով,՝ Երբ քու արդար ²դատավճիռներդ սորվիմ։

Քու կանոններդ պիտի պահեմ. Զիս ³բնաւ մի՛ լքեր։

ՀՆԱԶԱՆԴՈՒԹԻՒՆ ՏԷՐՈՋ ՕՐԷՆՔԻՆ ՊԷԹ

Երիտասարդը ի՞նպէս մաքրէ իր ուղին. Անոր ուշադիր ըլլալով՝ քու խօսքիդ համաձայն։

Իմ ամբողջ սիրտովս փնտռեցի քեզ. Մի՛ թողուր զիս՝ որ քու պատուիրաններէդ մոլորիմ։

Իմ սիրտիս մէջ պահեցի քու ⁴հրամաններդ, Որպէսզի չմեղանչեմ քեզի դէմ։

Դուն օրհնեա՜լ ես, ո՛վ Տէր. Սորվեցո՛ւր ինծի քու կանոններդ։

Իմ շրթունքովս թուեցի Քու բերանիդ բոլոր դատավճիռները։

Քու վկայութիւններուդ ճամբայով բերկրեցայ, Որպէս թէ ամէն տեսակ փարթամութեամբ։

Քու հրամաններուդ մասին պիտի խոկամ, Եւ քու ուղիներդ պիտի դիտեմ։

Քու կանոններովդ պիտի հաճոյանամ, Ու քու խօսքդ պիտի չմոռնամ։

ԵՐՋԱՆԿՈՒԹԻՒՆ ՏԷՐՈՋ ՕՐԷՆՔԻՆ ՄԷՋ ԿԻՄԷԼ

Երախտի՛ք ըրէ քու ծառայիդ, Որպէսզի ապրիմ եւ քու խօսքդ պահեմ։

Բա՛ց իմ աչքերս, Որպէսզի քու Օրէնքէդ սքանչելիքներ տեսնեմ։

Ես պանդուխտ եմ երկրի վրայ. Մի՛ ⁵պահեր ինձմէ քու պատուիրաններդ։

Իմ անձս կը խորտակուի՝ Ամէն ժամանակ քու դատավճիռներուդ ըղձալէն։

Դուն սաստեցիր անիծեալ հպարտները՝ Որոնք քու պատուիրաններէդ կը մոլորին։

⁶Վերցո՛ւր ինձմէ նախատինքն ու արհամարհանքը, Քանի քու վկայութիւններդ պահեցի։

Նոյնիսկ իշխանաւորներ կը նստէին եւ ինծի դէմ կը խօսէին, Բայց ծառադ քու կանոններուդ մասին կը խոկար։

Քու վկայութիւններդ ալ իմ հաճոյքս Ու ⁷խորհրդատուներս են։

ՏԷՐՈՋ ՕՐԷՆՔԻՆ ՀՆԱԶԱՆԴՈՒԹԵԱՆ ՍԱՀՄԱՆՈՒՄԸ ՏԱԼԷԹ

Իմ անձս հողին կը փակչի. Վերապրեցո՛ւր զիս՝ քու խօսքիդ համաձայն։

Իմ ճամբաներս պատմեցի, ու դուն պատասխանեցիր ինծի. Սորվեցո՛ւր ինծի քու կանոններդ։

⁸Գիտցո՛ւր ինծի քու հրամաններուդ ճամբան, Եւ քու սքանչելիքներուդ մասին պիտի խոկամ։

Իմ անձս տրտմութենէն արցունք կը ⁹թափէ. ¹⁰Հաստատէ՛ զիս՝ քու խօսքիդ համաձայն։

Հեռացո՛ւր ինձմէ ստութեան ճամբան, Ու շնորհէ՛ ինծի քու Օրէնքդ։

Հաւատարմութեան ճամբան ընտրեցի, Եւ քու դատավճիռներդ իմ առջեւս դրի։

Քու վկայութիւններուդ յարեցայ. Ո՛վ Տէր, մի՛ ամչցներ զիս։

Քու պատուիրաններուդ ճամբային մէջ պիտի վազեմ, Որովհետեւ դուն իմ սիրտս պիտի ¹¹սփոփես։

ՀԱՍԿԱՑՈՂՈՒԹԵԱՆ ԱՂՕԹՔ ՀԷ

Ո՛վ Տէր, սորվեցո՛ւր ինծի քու կանոններուդ ճամբան, Ու մինչեւ վախճանը պիտի պահեմ զայն։

Խելացի՛ ըրէ զիս, որպէսզի քու Օրէնքդ պահեմ, Եւ ամբողջ սիրտով անոր ուշադիր ըլլամ։

Առաջնորդէ՛ զիս քու պատուիրաններուդ շաւիղին մէջ, Որովհետեւ անկէ կ’ախորժիմ։

Հակեցո՛ւր իմ սիրտս քու վկայութիւններուդ, Եւ ո՛չ թէ ագահութեան։

¹²Հեռացո՛ւր աչքերս ունայնութիւն տեսնելէ. Վերապրեցո՛ւր զիս քու ճամբայիդ մէջ։

Հաստատէ՛ քու ¹³խոստումդ Քեզմէ վախցող ծառայիդ հանդէպ։

Հեռացո՛ւր ինձմէ նախատինքս՝ որմէ կը վախնամ, Որովհետեւ քու դատավճիռներդ բարի են։

Ահա՛ կ’ըղձամ քու հրամաններուդ. Վերապրեցո՛ւր զիս քու արդարութեամբդ։

ՎՍՏԱՀՈՒԹԻՒՆ ՏԷՐՈՋ ՕՐԷՆՔԻՆ ՎՐԱՅ ՎԱՒ

Ո՛վ Տէր, քու կարեկցութիւնդ թող գայ իմ վրաս, Նաեւ քու փրկութիւնդ՝ քու ¹⁴խոստումիդ համաձայն.

Որպէսզի ¹⁵բան մը ունենամ պատասխանելու զիս նախատողին, Որովհետեւ քու խօսքիդ կը վստահիմ։

Ճշմարտութեան խօսքը ¹⁶բնաւ մի՛ ¹⁷հեռացներ իմ բերանէս, Քանի քու դատավճիռներուդ կը յուսամ։

Քու Օրէնքդ շարունակ պիտի պահեմ, ¹⁸Դարէ դար՝՝։

Ընդարձակ տեղի մէջ պիտի ընթանամ, Քանի որ քու հրամաններդ փնտռեցի։

Թագաւորներու առջեւ պիտի խօսիմ քու վկայութիւններուդ մասին, Եւ պիտի չամչնամ։

Պիտի հաճոյանամ քու պատուիրաններովդ՝ Որոնք սիրած եմ։

Ձեռքերս դէպի քու պատուիրաններդ պիտի բարձրացնեմ՝ որոնք սիրած եմ, Ու քու կանոններուդ մասին պիտի խոկամ։

ԱՊԱՀՈՎՈՒԹԻՒՆ ՏԷՐՈՋ ՕՐԷՆՔԻՆ ՄԷՋ ԶԱՅԻՆ

Յիշէ՛ քու ծառայիդ եղած ¹⁹խոստումը, Որուն վրայ ինծի յուսալ տուիր.

Ա՛յս է մխիթարութիւնս՝ իմ տառապանքիս մէջ, Որովհետեւ քու խոստումդ զիս վերապրեցուց։

Հպարտները չափազանց ծաղրեցին զիս, Բայց ես քու Օրէնքէդ չշեղեցայ։

Ո՛վ Տէր, քու դարաւոր դատավճիռներդ յիշեցի, Ու մխիթարուեցայ։

²⁰Մոլուցքը զիս համակեց այն ամբարիշտներուն համար՝ Որոնք քու Օրէնքդ կը լքեն։

Քու կանոններդ ինծի օրհներգեր եղան Իմ պանդխտութեանս տան մէջ։

Ո՛վ Տէր, գիշերը քու անունդ յիշեցի, Եւ քու Օրէնքդ պահեցի։

Ասիկա ²¹պատահեցաւ ինծի, Որովհետեւ քու հրամաններդ պահեցի։

ՏԷՐՈՋ ՕՐԷՆՔԻՆ ՆՈՒԻՐՈՒՄԸ ԽԷԹ

Դո՛ւն ես իմ բաժինս, ո՛վ Տէր. Խոստացայ որ քու խօսքերդ պահեմ։

Ամբողջ սիրտով ²²քու շնորհքդ խնդրեցի՝՝. Ողորմէ՛ ինծի՝ քու ²³խոստումիդ համաձայն։

Իմ ճամբաներուս մասին մտածեցի, Ու ոտքերս քու վկայութիւններուդ ²⁴ուղղեցի։

Քու պատուիրաններդ պահելու Արտորացի, եւ չտնտնացի։

Ամբարիշտներուն լարերը զիս կաշկանդեցին, Բայց ես քու Օրէնքդ չմոռցայ։

Կէս գիշերին կ’ելլեմ քեզ ներբողելու՝ Քու արդար դատավճիռներուդ համար։

Ես ընկերակիցն եմ բոլոր անոնց՝ որ քեզմէ կը վախնան, Ու քու հրամաններդ կը պահեն։

Ո՛վ Տէր, երկիրը լեցուն է քու կարեկցութեամբդ. Սորվեցո՛ւր ինծի քու կանոններդ։

ՏԷՐՈՋ ՕՐԷՆՔԻՆ ԱՐԺԷՔԸ ԴԷԹ

Բարիք ըրիր քու ծառայիդ, ո՛վ Տէր, Քու ²⁵խոստումիդ համաձայն։

Սորվեցո՛ւր ինծի դատողութեան ու գիտութեան բարիքները, Որովհետեւ քու պատուիրաններուդ վստահեցայ։

Քանի տառապած չէի՝ կը ²⁶մոլորէի, Բայց հիմա քու ²⁷հրամաններդ կը պահեմ։

Դուն բարի ես, ու բարերար. Սորվեցո՛ւր ինծի քու կանոններդ։

Հպարտները սուտեր հնարեցին ինծի դէմ, Բայց ես ամբողջ սիրտովս քու հրամաններդ պիտի պահեմ։

Անոնց սիրտը ճարպի պէս ²⁸պարարտացաւ, Բայց ես քու Օրէնքովդ հաճոյացայ։

²⁹Նպաստաւոր եղաւ ինծի որ տառապեցայ, Որպէսզի քու կանոններդ սորվիմ։

Քու բերանիդ Օրէնքը ինծի աւելի լաւ է՝ Քան հազարներով ոսկի եւ արծաթ։

ՏԷՐՈՋ ՕՐԷՆՔԻՆ ԱՐԴԱՐՈՒԹԻՒՆԸ ԵՕՏ

Քու ձեռքե՛րդ շինեցին ու ³⁰ձեւակերպեցին զիս. Խելացի՛ ըրէ զիս, որպէսզի քու պատուիրաններդ սորվիմ։

Քեզմէ վախցողները զիս պիտի տեսնեն եւ ուրախանան, Որովհետեւ քու ³¹խոստումիդ յուսացի։

Գիտեմ, ո՛վ Տէր, թէ քու դատավճիռներդ արդար են, Եւ ³²իրաւունքով տառապեցուցիր զիս։

Կը խնդրե՛մ, քու կարեկցութիւնդ թող ³³մխիթարէ զիս՝՝ Քու ծառայիդ տուած խոստումիդ համաձայն։

Քու գթութիւններդ թող գան իմ վրաս՝ որպէսզի ապրիմ, Որովհետեւ քու Օրէնքդ իմ հաճոյքս է։

Հպարտները պիտի ամչնան, Քանի ընդունայն անիրաւութիւն գործեցին ինծի դէմ. Բայց ես քու հրամաններուդ մասին պիտի խոկամ։

Ինծի թող դառնան քեզմէ վախցողները, Եւ քու վկայութիւններդ գիտցողները։

Իմ սիրտս թող պարկեշտ ըլլայ քու կանոններուդ մէջ, Որպէսզի չամչնամ։

ԱՂՕԹՔ՝ ՓՐԿՈՒԹԵԱՆ ՀԱՄԱՐ ՔԱՖ

Իմ անձս կը ³⁴նուաղի քու փրկութեանդ սպասելէն. Ես կը յուսամ քու ³⁵խոստումիդ։

Իմ աչքերս կը նուաղին քու խոստումիդ համար, Ու կ’ըսեմ. «Ե՞րբ պիտի մխիթարես զիս»։

Արդարեւ ես ծուխի մէջ դրուած տիկի պէս եղայ, Բայց քու կանոններդ չմոռցայ։

Ո՞րչափ են քու ծառայիդ օրերը. Ե՞րբ ³⁶դատավճիռ պիտի արձակես՝՝ զիս հալածողներուն դէմ։

Հպարտները փոսեր փորեցին ինծի համար, Ինչ որ քու Օրէնքիդ համաձայն չէ։

Քու բոլոր պատուիրաններդ հաւատարմութիւն են։ Օգնէ՛ ինծի. ընդունայն զիս կը հալածեն։

Քիչ մնաց որ զիս սպառէին երկրի վրայ, Բայց ես քու հրամաններդ չլքեցի։

Վերապրեցո՛ւր զիս՝ քու կարեկցութեանդ համեմատ, Ես ալ քու բերանիդ վկայութիւնը պիտի պահեմ։

ՀԱՒԱՏԱՐՄՈՒԹԻՒՆ ՏԷՐՈՋ ՕՐԷՆՔԻՆ ԼԱՄԷՏ

Ո՛վ Տէր, քու խօսքդ Յաւիտենապէս հաստատուած է երկինքի մէջ։

Քու հաւատարմութիւնդ սերունդէ սերունդ կը տեւէ։ Դո՛ւն հաստատեցիր երկիրը, ու կը գոյատեւէ։

Քու կանոններուդ համաձայն կը կենան մինչեւ այսօր. Որովհետեւ բոլորը քու ծառաներդ են։

Եթէ քու Օրէնքդ իմ հաճոյքս չըլլար, Կորսուած պիտի ըլլայի իմ տառապանքիս մէջ։

Քու հրամաններդ երբեք պիտի չմոռնամ, Քանի որ անոնցմո՛վ վերապրեցուցիր զիս։

Ես քուկդ եմ, փրկէ՛ զիս, Որովհետեւ քու հրամաններդ փնտռեցի։

Ամբարիշտները ինծի սպասեցին՝ որ զիս կորսնցնեն, Բայց ես քու վկայութիւններուդ ³⁷ուշադրութիւն պիտի դարձնեմ՝՝։

Տեսայ թէ ամէն կատարելութիւն վախճան ունի. Մինչդեռ քու պատուիրանդ չափազանց ընդարձակ է։

ՍԷՐ ՏԷՐՈՋ ՕՐԷՆՔԻՆ ՀԱՆԴԷՊ ՄԷՄ

Ո՜րչափ կը սիրեմ քու Օրէնքդ. Ա՛ն է ամէն օր իմ խոկումս։

Քու պատուիրաններդ զիս թշնամիներէս աւելի իմաստուն ըրին, Քանի որ անոնք միշտ իմ քովս են։

Բոլոր ուսուցիչներէս աւելի ուշիմ եղայ, Որովհետեւ քու վկայութիւններդ իմ խոկումս են։

Երէցներէն աւելի խելացի եղայ, Քանի որ քու հրամաններդ պահեցի։

Ոտքերս ամէն գէշ ուղիէ ³⁸հեռացուցի, Որպէսզի քու խօսքդ պահեմ։

Քու դատավճիռներէդ չշեղեցայ, Որովհետեւ դո՛ւն սորվեցուցիր ինծի։

Ո՜րչափ քաղցր է քու ³⁹խօսքդ իմ քիմքիս, Մեղրէն աւելի անոյշ է իմ բերանիս։

Քու հրամաններովդ խելացի եղայ. Հետեւաբար ⁴⁰ստութեան ամէն ուղի ատեցի։

ԼՈՅՍ՝ ՏԷՐՈՋ ՕՐԷՆՔԷՆ ՆՈՒՆ

Քու խօսքդ իմ ոտքերուս ճրագ է, Եւ իմ շաւիղներուս՝ լոյս։

Երդում ըրի — ու պիտի կատարեմ — Որ քու արդար դատավճիռներդ պահեմ։

Չափազանց տառապեցայ, ո՛վ Տէր. Վերապրեցո՛ւր զիս՝ քու ⁴¹խոստումիդ համաձայն։

Կ’աղերսե՛մ, ո՛վ Տէր, հաւանէ՛ բերանիս յօժարակամ ընծաներուն, Ու սորվեցո՛ւր ինծի քու դատավճիռներդ։

Իմ ⁴²կեանքս շարունակ կը վտանգեմ՝՝, Բայց քու Օրէնքդ չեմ մոռնար։

Ամբարիշտները վարմ դրին ինծի համար, Բայց ես քու հրամաններէդ չմոլորեցայ։

Քու վկայութիւններդ իմ յաւիտենական ժառանգութիւնս են, Որովհետեւ անոնք սիրտիս բերկրանքն են։

Հակեցուցի իմ սիրտս, որպէսզի քու կանոններդ գործադրեմ Յաւիտեան՝ մինչեւ վախճանը։

ԱՊԱՀՈՎՈՒԹԻՒՆ՝ ՏԷՐՈՋ ՕՐԷՆՔԻՆ ՄԷՋ ՍԱՄԷԽ

Երկմիտները կ’ատեմ, Բայց քու Օրէնքդ կը սիրեմ։

Դո՛ւն ես իմ ⁴³պատսպարանս ու վահանս. Ես քու ⁴⁴խոստումիդ կը յուսամ։

Հեռացէ՛ք ինձմէ, ո՛վ չարագործներ, Քանի ես իմ Աստուծոյս պատուիրանները պիտի պահեմ։

Նեցո՛ւկ եղիր ինծի՝ քու ⁴⁵խոստումիդ համաձայն, որպէսզի ապրիմ. Զիս մի՛ ամչցներ իմ յոյսէս։

Կազդուրէ՛ զիս՝ որպէսզի ապրիմ, Եւ շարունակ ⁴⁶ուշադիր ըլլամ՝՝ քու կանոններուդ։

Տապալեցիր բոլոր անոնք՝ որ քու կանոններէդ մոլորեցան, Քանի որ անոնց խաբէութիւնը կեղծիք է։

Դուն ⁴⁷խարամի պէս ⁴⁸հանեցիր երկրի բոլոր ամբարիշտները. Հետեւաբար ես կը սիրեմ քու վկայութիւններդ։

Իմ մարմինս դողաց քու երկիւղէդ, Ու ես վախցայ քու դատավճիռներէդ։

ԱՅԻՆ

Իմ մարմինս դողաց քու երկիւղէդ, Ու ես վախցայ քու դատավճիռներէդ։

ՀՆԱԶԱՆԴՈՒԹԻՒՆ ՏԷՐՈՋ ՕՐԷՆՔԻՆ

Իրաւունք եւ արդարութիւն կիրարկեցի, Զիս մի՛ ⁴⁹լքեր իմ հարստահարիչներուս։

Երաշխաւո՛ր եղիր քու ծառայիդ բարօրութեան. Հպարտները թող չհարստահարեն զիս։

Աչքերս նուաղեցան քու փրկութեանդ Ու քու արդարութեանդ ⁵⁰խոստումին սպասելէն։

Քու կարեկցութեա՛նդ համեմատ վարուէ ծառայիդ հետ, Եւ սորվեցո՛ւր ինծի քու կանոններդ։

Ես քու ծառադ եմ. խելացի՛ ըրէ զիս, Որպէսզի քու վկայութիւններդ գիտնամ։

Ժամանա՛կն է որ Տէրը գործէ, Որովհետեւ քու Օրէնքդ ⁵¹անտեսեցին։

Հետեւաբար քու պատուիրաններդ Ոսկիէն ու զուտ ոսկիէն աւելի կը սիրեմ.

Ուստի քու բոլոր հրամաններդ ամէն կերպով ուղիղ կը համարեմ, Եւ ⁵²ստութեան ամէն ուղի կ’ատեմ։

ՏԷՐՈՋ ՕՐԷՆՔԻՆ ՀՆԱԶԱՆԴԵԼՈՒ ՓԱՓԱՔ ՓԷ

Քու վկայութիւններդ սքանչելի են, Հետեւաբար իմ անձս զանոնք կը պահէ։

Քու խօսքերուդ ⁵³յայտնութիւնը կը լուսաւորէ, Ու միամիտները խելացի կ’ընէ։

Իմ բերանս բացի եւ հեւացի, Որովհետեւ քու պատուիրաններուդ կ’ըղձամ։

Նայէ՛ ու ողորմէ՛ ինծի, Ինչպէս սովորաբար կ’ընես քու անունդ սիրողներուն։

Հաստատէ՛ իմ քայլերս քու ⁵⁴հրամաններուդ մէջ. Ո՛չ մէկ անօրէնութիւն թող տիրէ ինծի։

Փրկէ՛ զիս մարդոց հարստահարութենէն, Որ քու հրամաններդ պահեմ։

⁵⁵Պայծառացո՛ւր երեսդ քու ծառայիդ վրայ, Եւ սորվեցո՛ւր ինծի քու կանոններդ։

Ջուրի առուներ կ’իջնեն իմ աչքերէս, Քանի որ մարդիկ քու Օրէնքդ չեն պահեր։

ՏԷՐՈՋ ՕՐԷՆՔԻՆ ԱՐԴԱՐՈՒԹԻՒՆԸ ՑԱՏԷ

Դուն արդար ես, ո՛վ Տէր, Եւ քու դատավճիռներդ ուղիղ են։

Քու պատուիրած վկայութիւններդ Արդար ու յոյժ հաւատարիմ են։

Իմ նախանձախնդրութիւնս զիս փճացուց, Որովհետեւ իմ հակառակորդներս քու խօսքերդ մոռցան։

Քու խօսքդ յոյժ ⁵⁶ջինջ է, Ուստի քու ծառադ զայն կը սիրէ։

Ես փոքր եւ արհամարհուած եմ, Բայց քու հրամաններդ չմոռցայ։

Քու արդարութիւնդ յաւիտենական արդարութիւն է, Եւ քու Օրէնքդ ճշմարտութիւն է։

Տագնապն ու տուայտանքը զիս գտան, Բայց քու պատուիրաններդ իմ հաճոյքս են։

Քու վկայութիւններուդ արդարութիւնը յաւիտենական է. Խելացի՛ ըրէ զիս, եւ պիտի ապրիմ։

ԱՂՕԹՔ՝ ԱԶԱՏՈՒԹԵԱՆ ՀԱՄԱՐ ԳՕՖ

Ամբողջ սիրտով գոչեցի. Ո՛վ Տէր, պատասխանէ՛ ինծի, ու քու կանոններդ պիտի պահեմ։

Քեզի՛ գոչեցի, փրկէ՛ զիս, Ու քու վկայութիւններդ պիտի պահեմ։

Այգաբացը կանխեցի եւ աղաղակեցի. Քու ⁵⁷խոստումիդ յուսացի։

Գիշերուան ⁵⁸պահերէն առաջ բացուեցան՝՝ աչքերս՝ Քու ⁵⁹հրամաններուդ մասին խոկալու համար։

Լսէ՛ իմ ձայնս՝ քու կարեկցութեանդ համեմատ, ո՛վ Տէր. Վերապրեցո՛ւր զիս՝ քու կանոններուդ համաձայն։

Ինծի կը մօտենան լրբութեան հետամուտ եղողները, Որոնք քու Օրէնքէդ հեռացած են։

Բայց, ո՛վ Տէր, դուն իմ մօտս ես, Եւ քու բոլոր պատուիրաններդ ճշմարտութիւն են։

Վաղուց գիտեմ թէ քու վկայութիւններդ ⁶⁰Յաւիտենապէս հաստատած ես՝՝։

ՕԳՆՈՒԹԵԱՆ ԱՂԵՐՍ ՐԷՇ

Տե՛ս իմ տառապանքս եւ ազատէ՛ զիս, Որովհետեւ քու Օրէնքդ չմոռցայ։

Պաշտպանէ՛ իրաւունքս ու փրկէ՛ զիս, Վերապրեցո՛ւր զիս՝ քու ⁶¹խոստումիդ համաձայն։

Փրկութիւնը հեռու է ամբարիշտներէն, Քանի որ քու կանոններդ չեն փնտռեր։

Ո՛վ Տէր, քու գթութիւններդ բազմաթիւ են, Վերապրեցո՛ւր զիս՝ քու կանոններուդ համաձայն։

Բազմաթիւ են իմ հալածիչներս ու հակառակորդներս. Բայց ես քու վկայութիւններէդ չշեղեցայ։

Անհաւատարիմները տեսայ եւ զզուեցայ, Որովհետեւ անոնք քու ⁶²հրամաններդ չէին պահեր։

Նայէ՛ թէ ո՜րքան կը սիրեմ քու հրամաններդ, ո՛վ Տէր. Վերապրեցո՛ւր զիս՝ քու կարեկցութեանդ համեմատ։

Քու խօսքիդ ⁶³սկզբունքը ճշմարտութիւն է, Ու բոլոր արդար դատավճիռներդ յաւիտենական են։

ԸՆԾԱՅՈՒՄ ՏԷՐՈՋ ՕՐԷՆՔԻՆ ՇԻՆ

Իշխանաւորները առանց ⁶⁴պատճառի զիս հալածեցին, Բայց իմ սիրտս միայն քու խօսքէդ կը վախնայ։

Ես կը բերկրիմ քու ⁶⁵հրամաններովդ՝ Շատ աւար գտնողի պէս։

Ստութիւնը կ’ատեմ, եւ անկէ կը գարշիմ. Քու Օրէ՛նքդ կը սիրեմ։

Օրը եօթը անգամ կը գովաբանեմ քեզ՝ Քու արդար դատավճիռներուդ համար։

Քու Օրէնքդ սիրողները յորդառատ խաղաղութիւն ունին. Անոնց համար ⁶⁶սայթաքում չկայ։

Ո՛վ Տէր, քու փրկութեանդ յուսացի, Եւ քու պատուիրաններդ գործադրեցի։

Իմ անձս քու վկայութիւններդ պահեց. Ես զանոնք շատ կը սիրեմ։

Քու հրամաններդ ու վկայութիւններդ պահեցի, Քանի որ իմ բոլոր ճամբաներս քու առջեւդ են։

ԱՂՕԹՔ՝ ՕԳՆՈՒԹԵԱՆ ՀԱՄԱՐ ԹԱՒ

Ո՛վ Տէր, իմ ⁶⁷պաղատանքս թող ներկայանայ քու առջեւդ. Խելացի՛ ըրէ զիս՝ քու ⁶⁸խոստումիդ համաձայն։

Իմ աղաչանքս թող հասնի քու առջեւդ. Ազատէ՛ զիս՝ քու խոստումիդ համաձայն։

Իմ շրթունքս գովաբանութիւն պիտի արտայայտէ, Որովհետեւ քու կանոններդ սորվեցուցիր ինծի։

Իմ լեզուս քու ⁶⁹հրամաններդ պիտի ⁷⁰յայտարարէ, Քանի որ քու բոլոր պատուիրաններդ արդար են։

Քու ձեռքդ թող օգնական ըլլայ ինծի, Որովհետեւ քու հրամաններդ նախընտրեցի։

Ո՛վ Տէր, քու փրկութեանդ կ’ըղձամ, Եւ քու Օրէնքդ իմ հաճոյքս է։

Իմ անձս թող ապրի ու քեզ գովաբանէ, Եւ քու դատավճիռներդ թող օգնեն ինծի։

Կորսուած ոչխարի պէս կը դեգերիմ. Փնտռէ՛ քու ծառադ, որովհետեւ քու պատուիրաններդ չմոռցայ։